STATTI SIRENU (di Giovanni Salvo)
Caru abbucatu statti sirenu,
ca la politica e' sulu un trenu
Cuomu lu ritardu di la littorina,
l'ura di la notti raru agghiorna la matina
Di lu prisidenti di lu cunsigliu,
li to cumpagni pigliaru lu pigliu
Chiacchiari picca e discussioni nenti,
di latu misiru li so parienti ?
Certu li nummari fannu munzieddru,
e siddru tu po' levatillu stu cappieddru
Posalu ni la seggia unni ti susi,
bonu ca ti serbi ad attuppari pirtusi!
Picchi' li tietti di sti vaguna,
sunnu spunnati sutta la luna
Mastru Malgradu ti etta lu picchiu!
un cuornu pigliati e senza stinnicchiu
Attaccatillu ni la granatera,
accussi lu tocchi cu la dragunera
Siddru tu Sinnacu buonu vo fari,
la cuppuliddra iettala a mari
Si pigli stu trenu cu passu anticu,
cu li cunzigli di to zi Federicu
Ammuttalu tu di sutta la rota,
sanno' t'aspetta la pintaiota.
Nessun commento:
Posta un commento