Siddru
lu suli abbrazzassi la luna
e sutta li stiddri ci fussi l'amuri
Lu puvireddru avissi furtuna
senza chiu' lacrimi e mancu duluri
e sutta li stiddri ci fussi l'amuri
Lu puvireddru avissi furtuna
senza chiu' lacrimi e mancu duluri
E quannu
la luna senza eclissari
dicissi a lu suli, ungiemmu sti luci
Ca li migranti di 'nfunnu a lu mari
anniviscissiru di sutta la cruci
dicissi a lu suli, ungiemmu sti luci
Ca li migranti di 'nfunnu a lu mari
anniviscissiru di sutta la cruci
E tutti
li stiddri e lu firmamentu
vidennu lu suli abbrazzatu a la luna
Pruvassiru gioia e a centu a centu
si dassiru la manu, facennu curuna.
vidennu lu suli abbrazzatu a la luna
Pruvassiru gioia e a centu a centu
si dassiru la manu, facennu curuna.
Giovanni Salvo
Nessun commento:
Posta un commento