UNA COSA MI 'NZIGNAVU poesia di Giovanni Salvo

Mi dimiettu di pueta
Lassu tuttu a lu distinu
Di scritturi, di profeta
Di canturi e di parrinu

Nenti chiu' mi chiama rima
E nun viu chiu' difiettu
'Nda lu cori haiu na' sima
Li ma pugna 'nda lu piettu

Abbannunu la spiranza
E li cosi a lu distinu
Tegnu tuttu 'nda la panza
Li ma spogli sutta un pinu

Certu si presti haiu a piriri
E muriri cuomu 'nguerra
Lultima cosa vuogliu diri
Scrivu rimi sutta terra

Ca ogni omu ca 'ncuntravu
Di la chiazza a lu bastiuni
Una cosa mi 'nzignavu
Ci su facci di cartuni

(Giovanni Salvo)