VOTA LU VIENTU di Giovanni Salvo

Sei su li sinnaci pi chistu paisi
Cincu frustieri e un racarmutisi

E si la cosa e' a lu riviersu
Cincu paisana ed e' tiempu piersu?

Paroli dunci cuomu cannola
Fussi Natali cu li mustazzola

Na rivoluzioni senza scupetta
Discursi picca e tanti purpetta

Ora' l'esercitu di vavuseddra
Cu ciuri 'manu e senza cuteddra

Oh matri mia chi cumpusioni
Su tutti a la chiazza in prucissioni

E tiennu 'mani lungu lu gigliu
Di la pulitica hannu lu pigliu

Certu pi nantri ora e' un turmientu
Vutari a cu fa' vuntari lu vientu.

(Giovanni Salvo)