Comu la purcedda ca nasci di na botta,
matrona di lu fangu e di la zotta,
na liggi partorieru in continenti,
unni lu votu nun cunta propriu nenti.
Lu Porcu pulitu nun fu' mai grassu,
acussi' purtaru l'Italia a lu sconcuassu,
se veru ca la Troia sonna scorci,
sta liggi fu pinsata di li Porci.
Lu Porcu grufulia a lu n'davanzi
e l'italiani ristaru tutti senza canzi,
duoppu tant'anni di democrazia,
ora su scunzulati n'mezzu a na via.
Campa lu Puorcu sutta la munnizza,
lu so distinu è essiri sosizza,
anchi si lordu e tantu puzzulenti,
a li politici porta giuvamenti.
Si a lu Porcu ci metti lu cappiueddu,
iddu risulta ne ladiu e mancu beddru,
rragghia la troia e a mia sempri m'annoià,
di sentiri u cumuziu du me boia.
di Giovanni Salvo
Nessun commento:
Posta un commento