Si mi tucca' muriri, picchi' cani
Cu un pugnu di purpetta vilinusa
E chissu ficiru li to' luordi mani
La to cuscenza ora unni e' misa?
Na' carizza m'abbastava pi santari
Pi scuduliari cuntenti 'ntuornu a tia
Na' friscateddra sulu pi turnari
E senza 'ntentu purtari l'alligria
Stu munnu t'arrigalu, tienitillu
Di lu vilenu to' ora nun mi scantu
Ca si fidili fuvu, mi 'navantu
Ti sienti pirsuna, ma certu nun si tantu
Li ma ucchiuzzi dunci ta scurdari
Lu ma mussiddru, ca ti pruivu lestu
Ca lu to 'ngannu nun sappi sciavurari
Megliu muortu di cani, ca d'omu disonestu.
(Giovanni Salvo)
Nessun commento:
Posta un commento