La fidi e la festa (poesia di Giovanni Salvo)

Appena arriva la Festa di lu Munti
M'accattu un chilu di cubbajta bona
Scinnu a la chiazza, si prumissa tu scunti
Unni la banna allegra ora sona

'Nmiezzu a palluna e simenza salata
Passiu cuntenti, trascurrinu l'uri
Stanchizza nun sientu, finu a nuttata
Ca pi' sta madonna provu l'amuri

Banneri di ciliu di tutti li lati
M'assiettu a rocchia cu li bieddri amici
Lu conti e lu principi e li luonghi spati
Ni' stu' paisi mi sientu filici

Passa' ora Liddru cu mani affirrata
Cu na' picciutteddra, la zita mi pari
Di la Girmania ora e' turnata?
A la madonna vinni a truvari

Quantu testi mi truovu davanti
Di la piazzetta a la Matrici
Tra zuccaru filatu, miennuli fumanti
Li grazii buoni la beddra Matri fici

Di primu pannieddru e su cavalera
Muli cu giumma e jumenta bardata
E lu paisi tuttu ora spera
Ca a lampu acchianassiru la scalunata

Vint'unu cuorpi di sturdenti cannuni
Avvisanu a tutti, cu parti e cu resta
A la funtana lu tunnu gibbiuni
E a lu Munti la fidi e la festa.

(Giovanni Salvo)