Ca 'mpastavu na' juntiddra di cavati
Sacciu c'aviti la manuzza lesta
Cu quattru ita e puo' jammu a la festa
Faciti prestu sanno' s'affrii la pasta
Lu basarico' e' gia' friscu ni' la grasta
Pigliu lestu lestu la majddra
'Mpastu vide' du bieddri purpitteddra
Purtatimilli vu quattr'uviceddra
Ca priparu videmma la padeddra
Haiu tumazzu e pani bieddru duru
Ca lu putiti sbattiri a lu muru
Arriminativi cumma' cu sta' scuteddra
Ca ora ora fita' la puddrastreddra
La conca e' fatta ni' lu scanaturi
'Ncapu la pasta rutulia lu sagnaturi
Duminica di lu munti a la vaneddra
La pasta fuma ni' la gaviteddra
Tagliati nicarieddri e 'nturciuniati
Taliati chi su bieddri sti cavati
(Giovanni Salvo)
Nessun commento:
Posta un commento