"Pi la via di lu calvariu"
All'angulu di la via
c'ha lu Calvariu iva,
Maria c'era
cu San Giuvanni e la Maddalena
ca Gesù Cristu aspittavanu,
scacciatu di la cruci.
A la vista di lu figliu
arridduttu
accussi malamenti,
Maria tratténiri nun pòtti
un chiantu
ca di l'arma ci nisciva,
spaccannuci lu cori.
Figliuzzu miu! Gridà,
appena ca lu vitti
cu ddà facciùzza
accussi pruvata
di tuttu chiddru
ca cci avìanu fattu;
e Iddru, firmannusi
un momentu, ci rispusi;
mammuzza mia
nun chianciri accussi
pi su to figliu,
carni di martiriu,
picchi accussi iu stessu
vonzi finiri la ma vita;
ma tuòrnu, tu lu sa!
Pi ghiriminni 'ngloria
e riscattari l'omu
all'uocchi du lu Patri miu.
Arrivati a lu chuòzzu
di lu munti,
'nterra lu stnniéru
'ncruci lu 'nchiuvàru
a Cristu Sarbaturi,
ma Iddru, 'nzina
all'urtimu momentu
di duluri, l'omu pirduna
e lu stessu
addumanna di fari
a lu Patri so onnipotenti.
(Luigi Giuseppe Capitano)
Nessun commento:
Posta un commento