mercoledì 26 marzo 2014

LI MENNULI CIURUTI di Anna Vitello

La poesia  "Li mennuli ciuruti" di Anna Vitello ha ottenuto il primo premio al concorso "I poeti del mandorlo e della natura" 6.A Edizione - sezione in Lingua Siciliana, organizzato dal Prof. Mario Gaziano e da Aurelio Patti. 

Li Mennuli Ciuruti

La Primavera arriva a fini marzu
e già a frivaru, nni la nostra terra,
li rami spogli s’inghinu di gemmi
bianchi e scioccati...parinu pittati!

Li mennuli ciuruti e arraccamati
adornanu Girgenti e la vallata.
L’occhiu di li passanti s’arricria,
ci arridi ‘u cori mentri li talia.

Nni li campagni umiti e vagnati,
li passareddi cantanu ‘ngustiati,
aspettanu ca ‘u suli nesci fora
e  si nni stannu ‘mpaci e agnuniati.

Chi beddu ciauro acchiana di la terra,
lu ventu cutulia l’erba  vagnata,
e  l’acqua c’ha scinnutu di lu celu
ha statu forti  tutta la virnata.

Di tuttu ‘u munnu vennu ‘i furistera
p’assistiri a la “Sagra” nni li strati.
Si vidinu sfilari  tanti gruppi
c’abballanu e fannu  li nuttati.

Ciuri di mennuli e ciuri d’armunia,
purtati tanta gioia nni li cori,
faciti ralligrari tanta  genti
ca ci sbaria la testa ed è  cuntenti!

Nessun commento:

Posta un commento

Related Posts Plugin for WordPress, Blogger...

Racalmuto LA PROTESTA