lunedì 12 marzo 2018

FIMMINA COMU A TIA poesia di Giovanni Salvo, vincitrice del premio " Donna e..."

Pubblichiamo la poesia FIMMINA COMU A TIA scritta da Giovanni Salvo, 1° classificato al Premio di poesia " Donna e ..." organizzato dal Centro Studi Regalpetra.  La premiazione è avvenuta a Racalmuto l'11 marzo 2018 nella sede della Fondazione Sciascia. 

FIMMINA COMU A TIA 
di Giovanni Salvo

Quannu balla l’anima
Ammutti  l’avveniri
Cori di aceddri ‘ntesta
Campani a mai finiri

Lu suli nun t’abbruscia
Lu mari nun t’affuca
Lu cori ‘ ti si ‘ngrossa
L’amuri chi ora sbuca

Quannu balla l’anima
Senti  certu amuri
Centu discursi pronti
Parlassiru di sciuri

Prestu poi capisci
Ca fussi na’ furtuna
La so’ facciuzza tennira
Suruzza di la luna

Quannu balla l’anima
Nun trovi l’arrizzettu
Forti lu cori trema
Sutta lu to’ pettu

Li notti sunnu bianchi
Sciarriati cu lu sonnu
La fami nun si senti
Li santi  nun ci ponnu

Quannu balla l’anima
A ritmu di tangu
L’ariu  si ‘nchiarisci
S’arresta lu to’ sangu

Lu cori cu la testa
Pari si sciarria
Ballassi notti e jornu
Pi  nà fimmina comu a tia.






Nessun commento:

Posta un commento

Related Posts Plugin for WordPress, Blogger...

Racalmuto LA PROTESTA