LU MUNNU di Giovanni Salvo

Vuogliu scinniri di stu munnu
anchi si e' granni e tunnu
Nun staiu chiu' a circari paroli
rascari merda di sutta li soli

Ca' 'ncapu sulu ora truovu
discursi viecchi, cu lu gileccu nuovu
Rimu 'nvacanti, fussi pani scurdatu
rispiettu nun puortu si nun e' purtatu

Lu parrinu assittatu, lu populu 'nfila
licca lu culu, nun porta' cannila
Stu munnu ca nun teni chiu' parola
tumazzu chi nun cedi a grattarola

Vasu 'nterra e a cu mi detti vita
l'anieddru di ma matri e di la zita
Mi scippu sta ganga chi mi doli
di scriviri nun ci sunnu chiu' paroli.
G.Salvo