Tra lu mari e la luna
Tra la luna e li stiddri
L'occhi to' su faiddri
'Ncantanu..
Tra lu mari e la luna
Tra lu mari e li stiddri
Li to' mani e li capiddri
Ballanu...
E appiccicu
Li muntagni chiu' pizzuti
Nievuli anti e frastagliati
'Ncerca da to' vuci e du to' sciatu
Li portu cu mia ammaliatu
E scinnu
Li sbalanzi chiu' appinnuti
E caverni stritti e 'nturciuniati
'Ncerca du me cori sprufunnatu
Ci portu la to' vuci e lu to' sciatu.
(Poesia di Luigi Scimè)
Nessun commento:
Posta un commento