Chi scuru, Pinu lassa' la so terra
Cu chiangi, cu arridi e cu passa a la guerra
Chi belli paroli canta' pi cu resta
A Napuli o Roma?, mancu fussi festa
D'Amuri di Mari di Suli e ricordi
Di Liberta' parla', sunannu li cordi
Lu napulitanu ammisca' cu lu 'nglisi
Girannu li dischi, passaru li misi
Terra di nisciunu a sta Sicilia canta'
Lu so' ricordu, fa beni a mita'
Sinu a lu jornu ca si firma' lu Cori
E la so Anima certu nun mori.
E cu si la scorda ora la vuci
Li longhi farsetti 'ntunati e duci
Talia chi fuddra ca susi lu itu
Chist'e' l'ammore, nu Plebiscitu
di Giovanni Salvo
Nessun commento:
Posta un commento