fuoru sulu libra pi faccifaria?
Lu so scrivire, lo so spurnuciari
nu ni juvà pi farini arragiunari?
Spissu lu so nomi è muntuatu
la so casa un tempiu scunsacratu.
Sientu ca s’arraggiuna pi la cutri,
cu lu so nomi chiama pi patri,
cu di la so pinna si senti figliu,
cu la so fama l’avi pi cummuogliu.
Vossia ca fu Omu curaggiusu
lu ‘mbruogliu tirava fora di lu pirtusu,
lu spugliava a cuorpi di virgati
e ni tirava fora la nuda viritati.
Lu nuostru paisi di Racarmutu
pi Vossia… è assai canusciutu,
anziemi a lu so numu è muntuatu
ma cu ci abita avi a stari mutu.
Cu ci torna sempri si ni cunsola
fino a quannu nu perdi la parola,
cu è di fora s’innamura
ma arrassu si ni sta di li so mura.
Si sientinu rumura nu su paroli:
su muschigliuna misi a lu suli;
o di lu tiempu ca passa e fa scrusiu
‘ncapu la genti liata a fasciu.
Stu paisi senza vucca ne dinari
cu l’ali tagliati sapi vulari,
di Santa Ragiuni fu addutatu
e nu la perdi no, mancu arrubatu.
Ora lu sacciu e ni sugnu sicuru
ca lu so cori è nivuru e scuru,
Zi Nana si voli ni po aiutari
e ni lu suonnu vinirini a truvari,
cu lu so lustru vuogliu taliari,
la forti neglia mi fa sbarattari.
Lu so paisi ora è di lu malupassu
cu cumannava fu misu arrassu,
lu puddru di paisi di li briganti
lu tiempu passa e nu cangia nenti,
cu mangia assa e cu mangia nenti
la curpa la scutta lu poviru ‘nuccenti.
Ora aviemmu na matri putativa
ni chiama figli sulu pi ‘ngiuria.
Figlia di la Lupa fu senza matri
ca ma a lu munnu ha avutu patri,
ma ha datu latti e latti nu sapi dari
figlia di Lupa è ….satti guardari.
Nantri l’aviemmu li nostri Patri
nascieru cà tra chisti petri,
Vossia è unu, nuostru professuri
ma chissu nu ni lu puonnu pirdunari.
Ignazio
|
Nessun commento:
Posta un commento