E pari ca babbìa ... di Piero Carbone

Lu judici chi fa ccu li palori?
Cunnanna o assorbi.
Lu parrinu binidici.
T’addifenni, l’avvucatu.
E muntùa midicini
lu nfirmieri diplomatu.
Lu puliticu mpapocchia,
va diciennu: po’ si vidi.
E lu Pueta chi fa ccu li palori?
T’addifenni senz’essiri avvucatu.
Senz’essiri parrinu binidici.
Cunnanna e assorbi.
Cunorta li nfilici.
Quann’iddru parla o s’iddru si ncanìa,
ti dici cosi nivuri e pari ca babbìa.


19 aprile 2009


Il giudice che fa con le parole?/Condanna o assolve./Il prete benedice./Ti difende, l’avvocato./E nomina medicine/l’infermiere diplomato./Il politico impapocchia,/va dicendo: poi si vede./E il Poeta/che fa con le parole?/Ti difende/senza essere avvocato./Senza essere prete/benedice. Condanna e/assolve. Conforta/gli infelici. Quand’egli parla/o s’egli si accanisce,/ti dice cose nere/e sembra che scherzi.


Dalla raccolta di Piero Carbone, Venti di Sicilinconia, Edizioni Medinova, Favara, di prossima pubblicazione