"Lu paisi di nanà" ... (Grillo Parlante)

Nun e’ omu cu nun sta a la chiazza,

manu 'nzacchetta e 'nterra la sputazza;

li grana nni lu matarazzu o nni la banca,

cu veni tutti cosi puo' allavanca...

O paisi di farsi e gisuiti,

ca nun siti grati a DIU nun v' addunati?

Unn' e' l'amuri pi li vuostri frati?

C'e' sulu 'mmidia e paroli 'mmilinati...

Paisi ca li strati su' scassati,

paisi ca li cristiani su' disprati,

paisi senza paci e senza liggi …

l'onesti s' hanna fari li biliggi...

Paisi ca si unu e' buonu e' sulu fissu!

Paisi ca cci vulissi lu Crucifissu!

Paisi ca o si' diavulu o si' santu...

e cchiu' a lu dumani pienzu e

cchiu' mi scantu...

O paisi ca Nana' fici cchiu' granni!

( Ma l'ominicchi si cacanu li mutanni...)

Paisi ca lu sinnacu nun t' ama!

Paisi ca lu Palazzu e' na gran tana!

Lu votu e' datu pi fari lu favuri

e cu nun ci lu fa nunn' e' signuri...

E siddu nun "rispietti" a lu "cumpari":

"T' hann' ammazzari e ti mangiassiru li cani!".

O paisi ca fa' politica cuegghie'!

Capisci ca Politica nunn' e'?

Paisi ca cunsigliera e assissura

nun penzanu a la gran malafigura,

ma sannu sulu picca travagliari

e tramari pi cchiossa' fallu affunnari...

Paisi,o paisi disgraziatu!

Di tutti chisti mali si’ malatu!

Paisi amatu di li virdi anni passati,

pirdunami sti paroli addulurati

ca di lu cori amaru su’ dittati…

Ma iu priegu a DIU

cu tutta l’arma mia

e t’ affidu nni li mani di MARIA

ca di ncapu lu Munti chiangi e ti talìa…

Il testo è pubblicato nella bacheca facebook del Grillo Parlante

Grazie per l'opportunita' che dai a tutti noi che amiamo Racalmuto.